某SEO網頁設計公司向你推銷佢哋嘅網頁設計服務. 佢保證如果網頁完成後, 唔係Yahoo 或 Google 首 3 頁出現, 佢哋可退回 SEO 優化服務費用. 聽起好吸引, 但極可能係一個騙局!

1. 佢哋多數冇向你保證輸入乜嘢關鍵字先會搵到你嘅網頁.

一般客戶係Yahoo 或 Google 等搜尋器都會輸入熱門關鍵字, 如果只係輸入一啲冷門關鍵字先搵到你嘅網頁, 咁就算不上 SEO 優化. 例如你搵網頁公司, 你會係Yahoo 輸入 "網頁設計", "網頁公司", "web design". 但你並唔會輸入 "香港網頁設計服務公司"

2. 唔會成功, 唔收費?

呢個係一個簡單嘅陷阱. 當你投訴排名果陣, 佢可能會退返部分費用俾你. 但係你所付出嘅已經超過一般網頁設計嘅費用! 甚至乎根本得唔到退款!

3. SEO 得咩?

如果大家可以輕易既登上 Yahoo 或 Google 首頁, 咁就冇人會付廣告費俾他們了. 正因為廣告收入巨大, 佢哋會設法搵出果啲以不良手法建立嘅SEO 網頁, 並可能會列入黑名單.

4. 當年嘅SEO 優化.

十年前, 我們嘅Yahoo 或 Google 仍係起步階段. 當時確實需要將我哋嘅網頁優化, 以方便佢哋嘅程式進行分析同排名. 但如今以佢哋嘅人力資源, 根本唔洗我哋多此一舉.

5. 內容才是正途.

搜尋器嘅目標係為你搵出有用資料網頁, 如果你嘅網頁內容空洞, 根本冇可能會有高排名.

6. Yahoo 及 Google 的廣告幫到你.

與其花錢及時間係冇把握嘅SEO公司, 不如洗錢係Yahoo 同Google 實實在在嘅購買廣告. 你可自定預算又可以觀看相關訪客流量報告, 咁樣便可更清楚廣告費用嘅回報.

某SEO網頁設計公司向你推銷佢哋嘅網頁設計服務。佢保證如果網頁完成後唔係Yahoo 或 Google 首 3 頁出現, 佢哋可退回 SEO 優化服務費用. 聽起好吸引, 但極可能係一個騙局!