用乜嘢軟件寫網頁又係時候諗當年啦！

應該係1995年，筆者完成左人生既第一個網頁。非常簡單既一頁網頁。但那新鮮感同成功感，到宜家仲歷歷在目。

仲記得當時上網係以分鐘計，筆者仲特別用 Visual Basic 寫一個程式用黎計算上網費用。 14K modem 撥號上網既聲音，都係宜家滿滿回憶。

那年代最愛上台灣網站學習知識, 感覺上佢哋嘅網上資源比較香港多好多. 只係當年上台灣網真係非常慢, 好似係因為經美國既網路, 喺地球轉咗一大圈.

筆者第一個網頁係用Powerpoint寫既, 上載到當時建議上網公司伺服器中. 嗰個年代, 上網公司都會送5~10MB空間比客戶用來建立網站.好似係當時筆者使用既FTP軟件不支援chmod(unix/linux用作改變檔案權限既指令), 係上載檔案後, 以telnet登入上網公司既Unix, 再輸入改變檔案權限指令. 之後用 Netscape 輸入 http://當年上網公司既網址.已經忘記咗/~筆者既網名, 第一次睇到自己做既網頁, 真係相當高興.

Powerpoint 並唔係為建立網站而設計嘅軟件, 筆者好快便轉用左Netscape Gold. 好似用咗一個學期, 之後轉用Frontpage. 那些年, 中學生建立個人網頁唔多. 因此筆者係冇咁多對手下得了相關奬項. 都接咗啲建立網頁既課餘工作.

預科到大專時期, 開始寫網上程式. 當時主要用perl後來轉用PHP. 真係感謝台灣既網上朋友, 筆者係佢哋嘅網站學左唔少相關知識.畢業後到網頁公司做嘢, 主要使用 Dreamweaver + PhotoShop 替客戶建立網頁. 由於公司由度身訂造轉型到DIY自助網頁平台. 十多年前開始直接使用程式碼編輯軟件, 來建立公司既系統.

宜家雖然唔係主力在程式開發既崗位, 但偶然都會用上 Atom 修改下公司既系統同十多年前為其他客戶建立既系統.

到宜家，筆者仍係好鍾意寫嘢, 無論係程式或者係文章.

2020年7月21日

後記+硬銷廣告

今時今日, 除非係個人興趣或學生交工課, 否則唔好花時間學寫網頁, 因為你要一直學習新技術, 來維持你既網站, 好唔抵.搵網頁皇建立網頁, 平價高質.

[ 按此觀看網頁收費 ]