我要建立一個類似travelgo既網頁收費幾多？我要建立一個類似openrice既網站，要幾多時間先可完成？？
偶爾遇到啲年紀比較輕既客戶查詢時，筆者都會苦口婆心勸佢地唔好浪費金錢。既然市場已經有一個或一般成功既例子，你宜家建立一個一模一樣的網站，有幾多機會可以搶佔到市場？
一門成功既網上生意，幕後需要好多資金營運，唔係想像中咁簡單。你只係見到螢幕前既一小部分而已，背後既運作先係致勝關鍵。當中需要大量程式修改更新，先可迎合不斷變化既市場。
如果真係想網上創業，但有冇豐厚既資金。可以搵一啲有網絡經驗既人作為合作夥伴，自己網站自己建立不假外求，當然夥伴相處，當中亦有好多學問，需要長年累月累積， 先可獲得寶貴經驗。
最後再一個小總結，如果你打算洗少少錢，搵一間網頁公司替你建立賺大錢既網上生意，世上冇咁底既嘢。如果你有獨特創新既創業方案，好有信心必能搵大錢。咁就更加要採用自己既團隊，唔好輕易將你既計劃流到別人既手中。講返黎，其實搵錢既方案如銀河沙數。更重要既係執行力，呢個係另一個課題啦，日後有機會再傾
10/2020 網頁皇
