筆者係唔同嘅網頁公司服務已經20幾年， 每次收到客戶嘅查詢時， 一般都會詢問客戶嘅行業，同埋具體網頁製作要求，然後準備相關網頁實例同價錢已供客戶參考。
因為每間網頁設計公司嘅服務水平，品質以致流程都不盡相同。 客戶睇作品先，可大大節省雙方嘅時間。
如果作品水平唔符合客戶要求， 就算再平都冇用。如果合乎要求，筆者便會話客戶知製作流程， 同埋相關收費。
以上銷售程序非常有效， 多年嚟筆者成功俘虜了很多客戶的心。 但是數年前卻發生一點有趣的變化。
某些客戶總是會說， 你俾我嘅案例都大同小異， 究竟分別係邊度? 筆者每次聽到都會上好納悶， 明明提供咗客戶好多種唔同風格嘅網頁， 為何睇唔出分別呢?
後尾筆者同一位比較熟落嘅客戶傾計時， 才知原來佢一直係用手機觀睇我地嘅作品。 由於手機版網頁，受到螢幕大小嘅限制。 係手機睇嚟， 分別確實不大。
但須知， 縱使大部分人都會用手機上網， 仍然有約四成嘅瀏覽率，係來自桌面電腦。 網頁需要兼顧唔同螢幕。
所以筆者宜家會再三提醒客戶， 觀睇網頁設計公司作品時， 最好用手機及桌面觀各睇一次， 如能夠用平板電腦再睇日過更好。
希望以上資訊，能夠有助讀者選擇更適合自己嘅網頁公司， 早日建立自己嘅公司網站。
2022-3-25
網頁皇
