如果你只係想建立一個簡單既資訊息網站， 就似你宜家正睇緊既呢個網站， 根本唔需要動用到wordpress。

網上已有大量文章， 描述既優點同缺點。 筆者會用另一個角度帶你探討一下呢個問題。 有許多網頁設計公司都用wordpress替客戶設計網頁。 因為門檻低， 略懂程式語言， 甚至對程式一竅不通， 稍為研究下便可以用wordpress建立網頁。

所以用wordpress建立網頁成本非常低， 但維護成本就唔平啦。 隨著版本更新次數越多， 網頁既運作速度越慢， 程式漏洞更多。 最後甚至要重建網站。

如果真係想自行建立網站， 只要對網站要求不高，基本既html+css已經足夠，javascript 都唔洗學。網上有好多免費速成課程， 一兩星期便可以自行建立網頁。 重點係唔好用外來既插件， 日後維護網站變得輕鬆簡單。

如果需要自行建立更高階既網站，都盡量被免用過多第三方既插件。除非你了解插件既程式，否則你就唔可以百分百掌握你既網站。

很多用wordpress既公司，根本唔知佢地網站既程式內容。當問題出現時，只可以等新版本。更新後又唔定可以解決問題，然後新既問題又會黎。

結論係，用wordpress係先容易後困難，自己學係先困難後容易。

2022-04-15

網頁皇