網頁設計 之 公司電郵迷思

筆者從事網頁設計行業接近20年， 當年既網頁設計服務 ，必定會包括電郵。 因為客戶覺得有自己公司網域既電郵地址 ，感覺上對公司形象有好處。但呢個風氣係近年 ，已經慢慢開始改變 。我地可以睇到 ，很多公司都正在轉用gmail ，作為公司電郵。 甚至有些大公司嘅宣傳活動 ，都開始漸漸使用gmail電郵。 筆者認為 ，主要原因有以下數點:

1. 觀念轉變

係科網年代建立網頁既公司 ，多數都係大公司 。 呢啲公司會花大量預算建立網站 ，當然一定會包括電郵伺服器。當年一個簡單既project ，隨隨便便亦都會有十數萬嘅預。在其他人眼中， 花得起錢建立嘅網頁公司，一定係有實力嘅公司 。但時至今日， 數千蚊已經可以建立公司網頁， 電郵服務更係幾百蚊一年。有冇公司網址命名嘅電郵，已經唔可以代表乜嘢。

2. 垃圾電郵

如果你曾經光顧過啲電郵服務供應商 ，你一定會感受過垃圾郵件嘅困擾 。當然電郵供應商都會提供您啲垃圾郵件攔截嘅服務。但你會發覺到 ，如果將敏感度調高，會攔截啲了重要郵件， 反之便要自行處理好多垃圾郵件 。其實處理垃圾郵件， 需要好高嘅技術 。因為依家啲垃圾郵件公司 ，由於利潤好龐大， 佢哋會用多方法， 欺騙垃圾郵件過濾軟件。所以近年來好多， 中小型嘅電郵公司甚至大型嘅isp 都開始漸漸對垃圾郵件問題束手無策 。而係眾多電郵供應商中， 筆者認為只有最大型嘅gmail 可解決這個問題 。原因很簡單， 就係佢哋擁有其他公司沒有嘅大數據 同 deep learning 人工智能呢啲技術 。gmail 可高度精準地， 打擊垃圾郵件。 所以你會見到 ，點解咁多大公司， 都開始轉用gmail。 因為佢哋收到嘅垃圾郵件 ，遠遠會多過普通公司。

3. 方便快捷

係十多二十年前， 我哋只會用桌面電腦來睇郵件。 但依家我哋除了用桌面之外，仲會用手機 、平板甚至乎智能手錶來查看電郵 。gmail或ymail 呢類大型免費電郵公司 ，專門設計電郵app 讓你係不同嘅通訊設備中使用他們嘅電郵服務， 輕鬆方便。反而要付費嘅電郵公司， 甚或某些大型嘅isp。佢哋只會提供 webmail 。當你使用手機查看電郵時 ，非常唔方便， 更唔洗講智能手錶了。

4.電郵重要性下降

現今嘅通訊軟件發達， 公司與公司間聯絡 ，唔會似以前只會用電郵 。同事之間嘅溝通 ，可用手機軟件 ，設立群組方便快捷。呢啲功能係電郵做唔到嘅，當然有啲官方正式溝通，都仲會用電郵。 總體來講，電郵嘅重要性同使用率已經大不如前。

5.伺服器嘅穩定性

有啲中小型嘅電郵公司 ，甚至啲大型嘅isp公司 ，都未必會提供後備電郵伺服器比客戶。 所以當電郵伺服器出問題時，便會遺失電郵 。gmail台ymail呢度既大型國際電郵公司，會提供多達五組嘅後備電郵伺服器。將遺失電郵嘅機會率降低至接近零

總結:

綜觀以上數點 ，我哋可以預計 gmail 將會繼續 並擴大壟斷電郵呢個市場。 日後我哋將會探討一下 ，gmail如何利用免費電郵服務， 獲取龐大商業利潤。

後記:

其實gmail除了提供免費電郵服務外， 仲係幾年前推出了收費嘅商業電郵服務。價錢會比起其他電郵公司貴啲啲 ，但物超所值。